Originally uploaded by Laila Neihoum
هذا الصباح برد وقر
والنمل الذي هججته المطر من اعشاشه
يكاد يهججني من بيتي
في كل مكان اجده
لا ينجو منه شيئ
اكل احتى لمناديل الورقية
قضيمات منمنمة
اراه
يمضي على الجدران مسارب سوداء متقطعة
وعلامات استفهام مبعثرة
في اخر ليلة البارحة
عقد حفلة فارهة حتى الصباح
وكانت الوليمة العسل المتبقي في غطاء قنينة العسل المنسية في المطبخ
صحتين
10 comments:
يقال ان النمل يجلب الررزق ويقال ان رش القهوة يبعد النمل ويقال قراة سورة النمل تبعده ويقال هناك اقراص لمحاربة النمل في walgreen , cvs and rite aid or any other super market هههههه بس حبيت نمزح معك كل عام وانتي بخير بمناسبة حلول السنة الميلادية الجديدة وان شاء الله اتكوني انتي والاسرة الكريمة
بخير
يقال ان النمل يجلب الررزق ويقال ان رش القهوة يبعد النمل ويقال قراة سورة النمل تبعده ويقال هناك اقراص لمحاربة النمل في walgreen , cvs and rite aid or any other super market هههههه بس حبيت نمزح معك كل عام وانتي بخير بمناسبة حلول السنة الميلادية الجديدة وان شاء الله اتكوني انتي والاسرة الكريمة
بخير
وريدة
شكرا وريدة وكل سنة وانتِ والبنات طيبات
والله هبلني سي النمل قريب يطلعني من الحوش
وانا ما نحبش نقتله
خصوصا مع تكبير هالصورة تشوفي قديش مسكين جيعان ومحتاج يجمع غذاء
ربي يساعدني ويمشي بروحه
نسيت نقولك انقري عالصورة عشان تشوفي النمل كويس
سبحان الله
والنبى يالولو تربحى فينا اجر لو لقيتى حاجة او وسيلة فاعلة ياريت تخبرنا عنها، نحن صاير معانا مصار القطوس جيرى يلى شاله النمل وطلع بيه من الحوش...سلامات واجد يااحنط بنية ليبية فى سان فرانسيسكو..لك رايف كبير زيى وادى الكوف...ياسو /بلاغراى
أختي الفاضلة .. لا أحب محاربة النمل
فقط أتركه يرتع كما يريد
تحياتي
رامز
كلنا مانحبوش نقتلوا النمل لكن والله يغشش خصوصاً لو وصل لدار الصغار،بنتي الصغيرةمذعورة منه، ربي يفكك منه يقولوا حطى شوية رماد يمشي،انشالله خير وشكرا
ياسو ههه اخر حاجة ان امس لقيت نوع شفاف يمشي عالفرن من فوق
لولا اني كنت ناسية نظارة القراءة ما كنت شفته
تهيالي هو نفس النمل لابس طاقية الاخفاء
شكله زمن الحشود
حتى النمل قيسه يحاول يقولي
ارحــــــــــــــل
ههه
والله اخي رامز ماهو هذا اللي دايرته
وقاعد يرتع
شوية ونسيبله الحوش ونرحل
على الله مايشيل شناطيه ويجي معايا
ردي بالك علي بنيتك مي راهو قرصته واعرة
شكرا على المرور
مودتي
Post a Comment