Friday, September 18, 2009

من عيد اللعيد وانتم سالمين

انشغلت عالاخر عمري ماكنت نتصور اني نكتفي بتدوينة معايدة بشهر رمضان ... وتوا تدينة نهنيكم فيها بعيد الفطر!!! غريبة ومش غريبة بالنظر لحجم الشغل اللي غطست فيه .... تحويل وحوش جديد وترتيب ومحاولات ديكور شرقي ووووو خش شهر رمضان الكريم وما غباكم في رمضان ف الحمو والغربة صعب كان عليا ، حتى اني كنت يدوبك نلقا وقت نهدرز فيه مع هلي ف النت
لكن انشاءالله بعد العيد نحاول ننتظم لأني افتقدت نكهة التدوين ومواصلة المدونين ومتابعة ما يكتبوا في الصحافة الحرة الرائعة كيف ما نسمي فيها -- لدرجة اني اوقات ننذهل من روعة بعض التدوينات اللي تنافس اجدعها جريدة او برنامج اذاعي ... افكار واجدة في ذهني وموضوعات واجدة انشاءالله نقدر نرتبها وننزلها هنا
كل سنة وانتم طيبين وسامحوني عالغياب
وخطرها مش حنزل صورة مع التدوينة اهو من باب التغيير
دمتم بخير

21 comments:

Anonymous said...

عيدك مبروك يا ليلي...وعتبة مباركة:) وبجد أفتقدت تدويناتك...بالرغم من أني إنتبهت توة بس إني تقريباً مش معلقة ولا مرة عليها!!! مش عارفة علاش؟
بس نقولك من اليوم قررت إني لازم نترجم كل أفكاري لكلمات كل ما تعجبني عندك حاجة "وما أكثرهم" وبصفة خاصة الصور...بجديات تسلم ايديك عليهم

كل سنة وإنتي طيبة...وبانتظار موضيعك الحلوة

ليبية

"مش عارفة شنو المشكلة...كل ما نحاول نكتب تعليق باستخدام مدونتي كتعريف ، يقول إن فيه خطأ"

dusk till dawn said...

wish u a happy and pleasnt eid .bringing u happiness and cheer

Anonymous said...

انشالله ديما طيبة يابنت بلادى السمحة ، واسامتك وكل حبايبك فى الغربة وفى البلاد....والله لو غبتى يالوليتا عن التدوين ، بس انت موجودة فى القلب على راى الاغنية المصرية الشهيرة بتاع شيرين...انشالله عتبة خير ..عارفة انى كنت فى كل مرة نمر ونلاقى نوهمة فى شوية راحة وهدوء ، حسيتك غاطسة فى ترتيب بيتك لانك تحبى ان يكون كل الاشياء فى حياتك مميزة ، ولكى تصلى لهذه النتيجة اكيدة حتتعبى وتغيرى وتدوخى شوية وبعدها توصلى لحالة رضا.........كل امنياتى لك بان يكون نصيبك من فرح الدنيا هذا العيد والاعياد القادمة...إيناس المنصورى

may said...

السلام عليكم

كل عام وانت بخير انت وعويلتك كلها يا للوش وبلغى معايدتى لزوجك ايضا

ومبروك المحوال ان شاء الله عتبة خير عليك

معاش تغيبى علينا ليك وحشة كبيرة هلبة

ميووش

محلبية said...

اختي نوهمة،

كل عام و أنت بخير بمناسبة حلول عيد الفطر المبارك، أعاده الله عليك بالصحة و السلامة.

- سامحيني على الغيبة

خوك المدروخ

محلبية

naohama said...

شكرا عزيزتي ليبية سعدت بمرورك وبالاطلاع على مدونتك الرائع
كوني بخير
وليكن عيدك سعيدا رائقا

naohama said...

Thank u dusk till down... Happy Eid full of happiness..

naohama said...

ايناس كنت قلقانة لو ما مريتيش وعيدتي
كنت حنحس عيدي ناقص
انا نستعمل في انترنت اصحاب ومفيش كي بورد عربي ولابي متعرفش على نتهم
لذلك لك وللجميع تعليقاتي بعد العيد
كوني انت واهلك جميعا ولبغرياك بخير

naohama said...

ميوش الله يبارك فيك وعقبالك العتابي الجدد واللي قبلهن :)
عيدك مبارك
نعاودلكم بعد العيد تدوينات وتعليقات

naohama said...

محلبية العزيز
مافي مرة حرونت محلبية لسهرات رمضان اللا وتفكرت بشدة
والاكثر لما نجي نلمع في البيانو نقول زعمك وين وصل في البروجكت متاعه
كل عام وانت بخير والعيد الجاي انشاءالله تلحق بيلو بأعتبار ان عصافير ما قالتلي انه وجد زوليخة اخيرا :)

naohama said...

محلبية العزيز
مافي مرة حرونت محلبية لسهرات رمضان اللا وتفكرت بشدة
والاكثر لما نجي نلمع في البيانو نقول زعمك وين وصل في البروجكت متاعه
كل عام وانت بخير والعيد الجاي انشاءالله تلحق بيلو بأعتبار ان عصافير ما قالتلي انه وجد زوليخة اخيرا :)

elekomm - إليكــم said...

عودة ان شاء الله موفقة " نوهمة "

وكل عام وانتِ والاسرة الكريمة بخير

في انتظار تدويناتكِ

تحياتي

ابوليلى said...

كل عام وانت واسرتك بخير..بإنتظار جديدك في الادب والترجمات..تحية

on the edge said...

Hope you and your family had a wonderful EID . Eid Mubarak !

Anonymous said...

كل العام وانت بالف خير اختى ليلى ينعاد عليك بالصحه والسلامه
والله اشتقنالك كثيرا

naohama said...

شكرا "اليكم" لمرورك ومعايدتك
كل العام وانتم بخير
اعجبتني تدوينة التنور جدا
وكذلك اللون الاحمر والحدائق التي احاطت بسوق البدرية وقد انقشع من جواره التراب وباعة السلع التموينية التي تصهد فيها الشمس
تطور جديد في بنغازي
شكرا مجددا

naohama said...

شكرا اباها وكل عام وانت واسرتك وبناتك الرائعات بصحة وسلامة
يلزمني فقط ان انظم وقتي لأستئنف ترجماتي وكتاباتي وتدويناتي

naohama said...

Thank u dear on the edge
Happy Eid for you too.

naohama said...

شكرا للمجهولة كل عام وهي بخير حتى وان نسيت كتابة من تكون
عيد سعيد

Anonymous said...

كل عام وانتِ سالمة يا ليلى ومنتظرين تدويناتك الممتعة.
المغتربة

naohama said...

وانت رايقة وطيبة وعيدك سعيد عزيزتي المغتربة
وحاااضر من عيوني