Sunday, April 22, 2007

Lake Macbride
















Lake Macbride

drowsing on grass
My hand searching
for a 4 leafed ,
homesikness
weighing my eyes
confusing cedar trees
for Garyunis palms
The swimmers shouting
The boats gliding
At lake Macbride

Laila Neihoum
Septermber2005

عندما كنت بنغازية


صقع

الصغير الكعبورة اللي يدوب باين علي وجه الوطا قاللي

ياعميمة صقع عليك
ليش ياقصيرونة؟
موبايل ماما خير من امتاعك الشين .. غيريه

كنه متاعي ليش مش عاجبك؟
شين .. عندك كاميرا؟
لا
أي ار؟
لا
بلوتوث؟

لا
معناها صقع عليك
ومرة نفس القصيرونة جاني وانا مروحة مشفشفتني شمس القايلة ، ريقي شايط ، لا نحق ولا نسمع ، قاللي
صقع عليك ياعميمة سيارة بابا احسن من سيارتك القرباجة
وكنها سيارتي ياقصيرونة ، ياشبر وطال ياصغير؟
عندك مكيف؟
لا
عندك سي دي؟
لا
تعرفي تمتعيها؟
يالا تمشي
معناته صقع عليك
بهتت فيه ، طبست بيش نحقه كويس ، عويناته يبهتنللي بثقة ،لبسته رويجل مسخوط ، جمته لاحسها بالجل ،وسنيناته يتبسمن من فويمه في سنة كم ياقصيرونة ؟
كنك ياعميمة ؟ مانقراش
ولا روضة؟
صقع عليك ياعميمة ، موبايلك شين وسيارتك جربة، ونساية
باهي هذي شنو؟
بمبورة؟
بمبورة ياكليب؟ شنو فيها؟
ككا
معقولة يا قصيرونة

شمرته ونطرته فوق ، بعدين نزلته وحطيت يدي علي فويمه من فوق وهو فرحان يضحك
وهذين شنو؟
شنابات
صقع عليك ياقصيرونة ، عندك شنابات و مازلت ادير في الككا في البمبر؟
صقع عليك انت
تعال هنا , جيــــــتك

وقعد يجري وقرقرته واصلة للسما
وفعلا صقع ، نساني حموة القايلة ، واللي شفته في الطريق من حرق دم



عمياء : لوحة واثر

ماذا يعني ان تتكئ كأميرة من الزمن الباهت , يختال شعرك على الوسادة المتنهدة
ماذا يعني ان تحتشد من حولك صرخات الالوان المتنافرة المتداخلة , فلا ترى عينيك غير بياض كراسك , غائبة عما يدور في مدارك المحرم
ماذا يعني ان تكوني جارية في حريم المألوف محاطة باللازم , ممنوعة من الامنيات , يقرأ جدارك الورق الكاذب , ويشير اصبعك الى حروف شفافة لا تراها المشعوذات
ماذا يعني إطراقك , واغماضة عينيك .. يهمس لك الجوكر الساخر
ماذا يعني تلمس اناملك لحروف تظنينها بارزة على اوراق عمرك المتلاشي

لوحة (الحظ) للفنان التشكيلي الليبي عادل جربوع متأثرة بالاسلوب الصيني ومزادة عليه
اللوحة زيتية على كانفاس بمقاس

Painting 'Fortune' : Canvas 100x150 Oil
Libyan Painter : Adel Jarbou