Thursday, January 06, 2011

نمال تحتسي العسل - Ants at a New year Formicidae honey party

هذا الصباح برد وقر
والنمل الذي هججته المطر من اعشاشه
يكاد يهججني من بيتي
في كل مكان اجده
لا ينجو منه شيئ
اكل احتى لمناديل الورقية
قضيمات منمنمة
اراه
يمضي على الجدران مسارب سوداء متقطعة
وعلامات استفهام مبعثرة
في اخر ليلة البارحة
عقد حفلة  فارهة حتى الصباح 
وكانت الوليمة العسل المتبقي في غطاء قنينة العسل المنسية في المطبخ
صحتين 

10 comments:

Anonymous said...

يقال ان النمل يجلب الررزق ويقال ان رش القهوة يبعد النمل ويقال قراة سورة النمل تبعده ويقال هناك اقراص لمحاربة النمل في walgreen , cvs and rite aid or any other super market هههههه بس حبيت نمزح معك كل عام وانتي بخير بمناسبة حلول السنة الميلادية الجديدة وان شاء الله اتكوني انتي والاسرة الكريمة
بخير

Anonymous said...

يقال ان النمل يجلب الررزق ويقال ان رش القهوة يبعد النمل ويقال قراة سورة النمل تبعده ويقال هناك اقراص لمحاربة النمل في walgreen , cvs and rite aid or any other super market هههههه بس حبيت نمزح معك كل عام وانتي بخير بمناسبة حلول السنة الميلادية الجديدة وان شاء الله اتكوني انتي والاسرة الكريمة
بخير
وريدة

naohama said...

شكرا وريدة وكل سنة وانتِ والبنات طيبات
والله هبلني سي النمل قريب يطلعني من الحوش
وانا ما نحبش نقتله
خصوصا مع تكبير هالصورة تشوفي قديش مسكين جيعان ومحتاج يجمع غذاء
ربي يساعدني ويمشي بروحه

naohama said...

نسيت نقولك انقري عالصورة عشان تشوفي النمل كويس
سبحان الله

Αρετή Κυρηνεία said...

والنبى يالولو تربحى فينا اجر لو لقيتى حاجة او وسيلة فاعلة ياريت تخبرنا عنها، نحن صاير معانا مصار القطوس جيرى يلى شاله النمل وطلع بيه من الحوش...سلامات واجد يااحنط بنية ليبية فى سان فرانسيسكو..لك رايف كبير زيى وادى الكوف...ياسو /بلاغراى

Eng.Ramez Enwesri said...

أختي الفاضلة .. لا أحب محاربة النمل
فقط أتركه يرتع كما يريد






تحياتي



رامز

مي said...

كلنا مانحبوش نقتلوا النمل لكن والله يغشش خصوصاً لو وصل لدار الصغار،بنتي الصغيرةمذعورة منه، ربي يفكك منه يقولوا حطى شوية رماد يمشي،انشالله خير وشكرا

naohama said...

ياسو ههه اخر حاجة ان امس لقيت نوع شفاف يمشي عالفرن من فوق
لولا اني كنت ناسية نظارة القراءة ما كنت شفته
تهيالي هو نفس النمل لابس طاقية الاخفاء
شكله زمن الحشود
حتى النمل قيسه يحاول يقولي
ارحــــــــــــــل
ههه

naohama said...

والله اخي رامز ماهو هذا اللي دايرته
وقاعد يرتع
شوية ونسيبله الحوش ونرحل
على الله مايشيل شناطيه ويجي معايا

naohama said...

ردي بالك علي بنيتك مي راهو قرصته واعرة
شكرا على المرور

مودتي